कबिराज अवस्थी । फिफा विश्वकप २०२६ अन्तर्गत गएराति सम्पन्न समूह चरणका खेलहरू रोमाञ्चक बनेका छन्। ब्राजिल र मोरक्कोले १–१ को बराबरी खेल्दा स्कटल्यान्डले हैटीमाथि संघर्षपूर्ण जित निकालेको छ भने कतारले स्विट्जरल्यान्डसँग बराबरी खेल्दै विश्वकप इतिहासमै पहिलो अंक हात पारेको छ।
समूह ‘सी’ अन्तर्गत भएको बहुप्रतीक्षित खेलमा ब्राजिल र मोरक्को १–१ को बराबरीमा रोकिए। मोरक्कोले अग्रता लिए पनि ब्राजिलका भिनिसियस जुनियरले बराबरी गोल फर्काएका थिए। दुवै टोलीले जितका अवसर सिर्जना गरे पनि खेल बराबरीमै टुंगि
अर्को खेलमा स्कटल्यान्डले हैटीलाई १–० ले पराजित गर्दै प्रतियोगितामा सुखद सुरुआत गरेको छ। कठिन प्रतिस्पर्धाबीच स्कटल्यान्डले महत्वपूर्ण तीन अंक जोड्दै समूहमा बलियो स्थिति बनाएको छ।
समूह ‘बी’ को खेलमा कतारले स्विट्जरल्यान्डसँग १–१ को बराबरी खेल्दै विश्वकप इतिहासमा पहिलो अंक प्राप्त गरेको छ। स्विट्जरल्यान्डले सुरुआती अग्रता लिए पनि कतारले इन्जुरी समयमा गोल फर्काएर खेल बराबरीमा ल्याएको थियो। यस नतिजापछि समूह ‘बी’ का चारै टोली समान एक–एक अंकमा रहेका छन्।
